▲ گوۋۇيۈەن زۇڭلىسى ۋېن جياباۋ بۈگۈن (12.25) چۈشتىن كىيىن خەلق سارىيىدا زىيارەتكە كەلگەن ياپونىيىنىڭ باش ۋەزىرى يېتيەن جيايەن بىلەن سۆھبەتلەشتى. ۋېن جياباۋ مۇنداق دېدى: 2012 - يىلى يېتىپ كېلىش ئالدىدا تۇرماقتا، بىز يېتىپ كېلىش ئالدىدا تۇرغان جۇڭگو بىلەن ياپونىيە دىپلوماتىك مۇناسىۋىتى نورماللاشقانلىقىنىڭ 40 يىللىقىنى كۈتۈۋالىمىز. سىزنىڭ زىيارىتىڭىزنىڭ ئەھمىيىتى ناھايىتى زور.

   ▲ جۇڭگو كوممۇنىستىك پارتىيىسى مەركىزى كومىتېتى سىياسىي بيۇروسىنىڭ ئەزاسى، دۆلەت ئىشلىرى كومىسسارى ليۇ يەندوڭ بۈگۈن (12.25) جۇڭگو دۆلەت تىياتىرخانىسى قۇرۇلغانلىقىنىڭ 70 يىللىقى ۋە تىياتىرخانا قايتا تەشكىللەنگەنلىكىنىڭ 10 يىللىقىنى تەبرىكلەش مۇراسىمىغا قاتناشتى ھەمدە سەنئەت كەسپىي بىلەن شۇغۇللانغانلىقىغا 50 يىلدىن ئاشقان پېشقەدەم سەنئەتكار ۋەكىللىرىگە شەرەپ گۇۋاھنامىسى تارقىتىپ بەردى. ئۇ مۇنۇلارنى تەكىتلىدى: دۆلەت تىياتىرخانىسىدىكىلەر جۇڭگو كوممۇنىستىك پارتىيىسى 17 - نۆۋەتلىك مەركىزىي كومىتېتى 6 - ئومۇمىي يىغىنىنىڭ روھىينى چوڭقۇر ئۆگىنىپ ۋە ئىزچىللاشتۇرۇپ، تىياتىرخانىنىڭ قايتا تەشكىللەنگەنلىكىنىڭ 10 يىللىقىنى يېڭى باشلىنىش نۇقتىسى قىلىپ، پۇرسەتنى چىڭ تۇتۇپ، يول ئېچىپ ئىلگىرلەپ، دۆلەت ئىچىدە ئالدىنقى قاتاردا تۇرىدىغان، خەلقئارادا داڭلىق بولغان سەنئەت ئەسەرلىرىنى ئىجاد قىلىدىغان كوللېكتىپ قۇرۇپ چىقىپ، سوتسىيالىستىك مەدەنىيەتنىڭ تەرەققى قىلىشى، گۈللىنىشىنى ئالغا سىلجىتىش، سوتسىيالىستىك مەدەنىيەتلىك كۈچلۈك دۆلەت قۇرۇپ چىقىش ئۈچۈن تېخىمۇ زور تۆھپىلەرنى قوشۇشى كېرەك.

   ▲ مەملىكەتلىك جامائەت خەۋپسىزلىكى ئىدارە باشلىقلىرى يىغىنى مۇشۇ ئاينىڭ 22 - كۈنىدىن 24 - كۈنىگىچە بېيجىڭ ۋە تيەنجىن شەھەرلىرىدە ئېچىلدى. دۆلەت ئىشلىرى كومىسسارى، جامائەت خەۋپسىزلىكى مىنىستىرى مېڭ جيەنجۇ يىغىندا مۇنۇلانى تەكىتلىدى: پۈتۈن مەملىكەتتىكى جامائەت خەۋىسپىزلىكى ئورگانلىرى جۇڭگو كوممۇنىستىك پارتىيىسى 17 - نۆۋەتلىك مەركىزىي كومىتېتى 6-ئومۇمى يىغىنىنىڭ روھى ۋە مەركەز ئىقتىساد خىزمىتى يىغىنى، مەملىكەتلىك سىياسىي - قانۇن خىزمىتى يىغىنىنىڭ روھىنى ئەستايدىل ئىزچىل ئەمەلىلەشتۈرۈپ، 3 تۈرلۈك  نۇقتىلىق خىزمەت ۋە 3 تۈرلۈك قۇرۇلۇشىنى چوڭقۇرلاشتۇرۇشنى ۋاستە قىلىپ، جامائەت خەۋپسىزلىكى ئورگانلىرىنىڭ ئىقتىدار قۇرۇلۇشىنى ئاساسىي لىنىيە قىلىپ، خەلقنىڭ رايىغا بېقىپ، ئاممىنىڭ ساداسىغا قۇلاق سېلىپ، ئاممىنى رازى قىلىشى، مېخانىزىمدا يېڭىلىق يارىتىپ، پەن - تېخنىكىنى قوللىنىپ، ئاساسىي قاتلامنىڭ ھاياتىي كۈچىنى ئاشۇرۇپ، دۆلەتنىڭ بىخەتەرلىكى ۋە ئىجتىمائىي مۇقىملىق قوغداشنىڭ يېڭى نەتىجىلىرى ۋە خەلق رازى بولۇشتەك ئوبراز ئارقىلىق، پارتىيە 18 - قۇرۇلتىيىنىڭ غەلبىلىك ئېچىلىشىنى كۈتۈۋېلىشى كېرەك. جۇڭگو كوممۇنىستىك پارتىيىسى مەركىزى كومىتېتى سىاسىي بيۇروسىنىڭ ئەزاسى، بېيجىڭ شەھەرلىك پارتكومنىڭ شۇجىسى ليۇ چى، جۇڭگو كوممۇنىستىك پارتىيىسى كومىتېتى سىياسىي بيۇروسىنىڭ ئەزاسى، تيەنجىن شەھەرلىك پارتكومنىڭ شۇجىسى جاڭ گاۋلى يىغىنغا قاتناشتى ۋە سۆز قىلدى.