▲ ياپونىيە ھۆكۈمىتىنىڭ 2012 - يىللىق خامچوت لايىھەسىدە، مېتېئورولوگىيە ۋازارىتىنىڭ يەر تەۋرەش، يانار تاغنى كۈزىتىش ۋە ئۇچۇر ئېلان قىلىش خىزمىتىنى كۈچەيتىشكە ئالاقىدار خامچوت لايىھەسى 208 مىليون ياپونىيە يېنى بولغان.

    ▲ پاكىستاننىڭ خەلق ئاۋىئاتسىيە تارماقلىرى، «سەئۇدى ئەرەبىستاننىڭ بىر يولۇچىلار ئايروپىلانى بۈگۈن (12.25) قونماقچى بولغاندا چاقى نورمال ئىشلىمىگەنلىكتىن كاراچى ئايرودرومىغا ئايروپىلان گەۋدىسى بىلەن قونۇشقا مەجبۇر بولدى» دېدى.

   ▲ سۇدان قوراللىق قىسىملىرى بۈگۈن (12.25) «غەربىي دارفۇر رايونىدىكى ھۆكۈمەتكە قارشى ئەڭ كۈچلۈك تەشكىلات <ئادىل ۋە باراۋەرلىك ھەرىكىتى> نىڭ رەھبىرى قارى ئىبراھىمنى ئېتىپ ئۆلتۈردۇق» دېگەن.

  ▲ رۇسىيە جىددى ھالەت مىنىتىسرلىقى يىراق شەرق رايونى مەركىزىنىڭ ۋەكىلى، «بۈگۈن (12.25) سەھەردە قۇتقۇزۇش سىگىنالى بەرگەن «ئالفا - 3» ناملىق ساياھەت پاراخوتى چۆكۈپ كەتكەن بولۇشى مۇمكىن. قۇتقۇزۇش خادىملىرى لاپىرۇزا دېڭىز بوغۇزى ئەتراپىدىكى دېڭىز تەۋەلىكىدە 3 جەسەتنى بايقىغان» دېدى.

   ▲ نىگېرىيە پايتەختى ئابىدجانغا يېقىن جايدىكى بىر چېركاۋدا بۈگۈن (12.25) يەنى روژدېستۋو بايرىمى كۈنى سەھەردە پارتلاش ۋەقەسى يۈز بەردى. ھۆكۈمەت ئەمەلدارىنىڭ ئېيتىشىچە، پارتلاشتا ئادەم ئۆلۈش ۋە يارىلىنىش ئەھۋالى كۆرۈلگەن. 

   ▲ ئافغانىستان ئىچكى ئىشلار مىنىستىرلىقى بۈگۈن (12.25) بايانات ئېلان قىلىپ: «ئافغانىستان قوشۇنلىرى بىلەن شىمالىي ئاتلانتىك ئەھدى تەشكىلاتىنىڭ ئافغانىستاندا تۇرۇشلۇق خەلقئارا ياردەم بېرىش قىسىملىرى ئۆتكەن 24 سائەت ئىچىدە ھەربىي ھەرىكەت ئېلىپ بېرىپ، ھۆكۈمەتكە قارشى قورللىق ئۇنسۇردىن 30 نى ئېتىپ ئۆلتۈردى ھەمدە 7 كىشىنى قولغا ئالدى» دېگەن.