جۇڭگو خەۋەرلەر تورى 12-ئاينىڭ 30-كۈنى ماۋمىڭدىن كەلگەن تېلېگراممىسى ، گۇاڭدۇڭ ئۆلكىسى دىيەنبەي ناھىيىلىك ھۆكۈمەت دائىرىلىرىنىڭ 29-چېسلا ئومۇمىي ئۇقتۇرۇش قىلىپ ، جوڭشەن ئۇنۋېرسېتىت قانۇن دوختۇرى باھالاش مەركىزى مۇشۇ ناھىيىنىڭ سوراقخانىسىدىكى بىر نەپەر قاماقتىكى خادىم لىيۇۋشۈننىىڭ ئۆلۈپ كېتىشىگە تېببىي ئىلمىي بويىچە باھالاش ئېلىپ بېرىپ ، قاماقتىكى خادىمنىڭ ئۆلۈپ كېتىشتىن ئىلگىرى ئون ئىككى بارماق ئۈچەي يارىسى بىلەن جىددىي خاراكتېرلىك قۇرساق پەردە ياللۇغى بولۇپ ،يۇقۇملىنىشچان ، زەھەرلىنىش خاراكتېرلىك شۈك بولۇپ ئۆلۈپ قالغان دەپ ، مېخانورېتسېپۇر تاشقى كۈچ سەۋەبىدىن ئۆلۈپ قېلىش ئامىلىنى ساقىت قىلغانلىقىنى ئېيتقان .
ئىگىلىنىشكە ، بۇ يىل 11-ئاينىڭ 26-كۈنى ، 48-ياشلىق ماۋمىڭ شەھىرى ماۋنەن رايون خۇاجېن بازىرىدىكى لىيۇۋشۈن ئالدامچىلىق جىنايىتىگە چېتىشلىق بولۇپ ساقچىلار تەرىپىدىن جىنايى ئىشلار بويىچە توختىتىپ قويۇلۇپ ، دىيەنبەي ناھىيىلىك سولاقخانىدا قامالغان ئىكەن . تەكشۈرۈپ دەلىللەش ئارقىلىق ، لىيۇۋشۈن 1998- يىلىدىن باشلاپ زەھەر چېكىشكە باشلىغان ، 2006-يىلى ماۋنەن ساقچى دائىرىلىرى تەرىپىدىن تۇتۇلۇپ ئالتە ئاي مەجبۇرى زەھەر تاشلىغان ، 2009-يىلى 11-ئايدا يەنە قايتا زەھەر چەككەنلىكى ئۈچۈن ماۋنەن ساقچى دائىرىلىرى تەرىپىدىن تۇتۇلۇپ ئىككى يىل مەجبۇرى زەھەر تاشلىغان .
12-ئاينىڭ 1-كۈنى ئەتىگەندە ، لىيۇۋشۈننىڭ زەھەر خۇمارى تۇتۇپ كېتىپ تامغا ئۆزنى ئۇرۇپ ، ئۆزنى مېيىپ قىلىۋالماق بولغاندا قاماقتا بىرگە تۇرغانلار تەرىپىدىن توسۇۋېلىنغان ، سائەت 7دىن 50 مىنۇت ئۆتكەندە ، لىيۇۋشۈن ھەرىكەتكە چىققاندا بوينىنى زەخمىلەندۈرۋېلىپ، تۇرما ساقچىلىرى ۋاقتىدا بايقاپ قېلىپ توسۇۋالغان . چۈشتە سائەت 12دىن 25 مىنۇت ئۆتكەندە ، لىيۇۋشۇن تۈرمە ساقچىلىرىغا ئۆزنىڭ ئاشقازىنىنىڭ ئاغرىپ كەتكەنلىكنى دېگەندىن كىيىن ، ساقچىلار شۇ ھامان ئۇنى دىيەنبەي ناھىيىلىك خەلق دوختۇرخانىسىغا داۋالاشقا ئاپىرىپ ، شۇ كۈنى سائەت14تىن45 مىنۇت ئۆتكەندە ، لىيۇۋشۈن قۇتقۇزۇش ئۈنۈم بەرمەي ئۆلۈپ كەتكەن .
لىۇۋشۈۇن ئۆلۈپ كەتكەن كۈنى ، دىيەنبەي ناھىيىسىدە خىزمەت ئەترىتى قۇرۇلۇپ ، قانۇن بويىچە لىيۇۋشۈننىڭ دېلوسىنى بېجىرگەن ئۇرۇن ، قامالغان ئۆي ، داۋالانغان دوختۇرخانا ، لىيۇۋشۈننىڭ كېسىلى قوزغىلىش جەريانى ۋە داۋالاش ، قۇتقۇزۇش جەريانى، سولاقخانىدىكى تۈرمە ساقچىلىرىنىڭ ۋەزىپىسىنى ئىجرا قىلىش ئەھۋالىنى ئومۇميۈزلۈك تەكشۈرۈپ ھەمدە لىيۇۋشۈننىڭ قاماقتا تۇرغان مەزگىلدىكى ئالاقىدار خاتىرە ماتېرىياللارنى تەكشۈرۈپ ، ساقچىلارنىڭ قىيناپ ئىقرار قىلدۇرۇش، بەدەن جازاسى بېرىش ، خارلاش ياكى شەكلى ئۆزگەرتىلگەن بەدەن جازاسى بېرىدىغان ، خارلايدىغان ئەھۋاللار بايقالمىغان .
12-ئاينىڭ 4-كۈنى ، ئۆلگۈچىنىڭ ئائىلە تاۋاباتلىرنىڭ ئىلتىماس قىلىشى بىلەن ، دىيەنبەي ناھىيىلىك تەپتىش مەھكىمىسى جۇڭشەن ئۇنۋېرسېتىتى قانۇن دوختۇر باھالاش مەركىزى قانۇن دوختۇرى مۇتەخەسسىسلەر جەسەتنى سىستېمىلىق ئاناتومىيە قىلىپ ھەمدە ئالاقىدار ماتېرىياللارنى ئەكەلدۈرۈپ گىستوپاتولوگىيە ۋە زەھەرلەندۈرۈپ تەكشۈرۈش ئېلىپ بارغان . باھالاش نەتىجىسىدە كۆرسىتىلىشىچە ، ئۆلگۈچىنىڭ جەسىتىنى تەكشۈرۈش ئارقىلىق مېخانورېتسېپۇر تاشقى كۈچ سەۋەبىدىن ئۆلۈپ قېلىش ئامىلىنى ساقىت قىلغان
|
